उपरोक्त विषय संदर्भानुसार महाराष्ट्र राज्यातील शासकीय व
शासनमान्य अशासकीय अनुदानित व
विनाअनुदानित कला संस्थामध्ये अध्ययन करणाऱया विद्यार्थ्यांच्या कलाकृती विद्यार्थी
विभागाच्या प्रदर्शनाच्या प्रवेशिका
दि.११/११/२०२४ ते दि.२२/११/२०२४ या कालावधीत https://doa.maharashtra.gov.in/ या
संकेतस्थळावर ऑनलाईन स्वरुपात स्विकारल्या जातील. तरी आपल्या संस्थेतील विद्यार्थ्याच्या
कलाकृती निर्देशित तारखांना सादर करण्याची व्यवस्था संबंधित संस्थेच्या अधिष्ठाता /
प्राचार्य यांनी करावी.
2. ऑनलाईन पध्दतीने विद्यार्थ्यांच्या कलाकृती सादर करण्यासाठी कला संचालनालयाच्या अखत्यारीत
असलेल्या सर्व संस्थेच्या ई-मेल आयडीवर संबंधित संस्थेचा युजर आयडी व पासवर्ड पाठविण्यात आलेले आहे.
त्यानुसार संबंधित संस्थेचे अधिष्ठाता / प्राचार्य यांनी https://doa.maharashtra. gov.in/
या संकेतस्थळावर त्यांच्या संस्थेचा रजिस्टर आयडी व पासवर्ड याचा वापर करुन प्रथम आपल्या संस्थेचा पासवर्ड
बदलण्यात यावा व त्यानुसार सदर रजिस्टर आयडीवरुनच आपल्या संस्थेतील विद्यार्थ्यांच्या कलाकृतीविषयक माहिती भरावी.
ज्या संस्थेना युजरआयडी व पासवर्ड मिळाला नाही त्यांनी 9284381041 या दुरध्वनी नंबरवर संपर्क साधवा.
3.ऑनलाईन पध्दतीने विद्यार्थ्यांच्या कलाकृती सादर करतांना संबंधित संस्थेचे अधिष्ठाता / प्राचार्य
यांनी विद्यार्थी ज्या अभ्यासक्रमाचे शिक्षण घेत आहे त्याच अभ्यासक्रमाच्या विभागात संबंधित विद्यार्थ्यांनी
सहभागी होण्याबाबत योग्य ती दक्षता घ्यावी.
4. ऑनलाईन इमेज साईज संदर्भात:- डिजीटल इमेज ही जेपीईजी (JPEG) मध्ये असावी.
त्याची साईज किमान 2100 पीक्सेल लांबी / रुंदी (आडवी बाजू किंवा उभी बाजू). 2500 पिक्सेलच्या वर साईज नसावी.
उदा. ऑनलाईन इमेज 5 X 7 इंच व 300 डीपीआय (DPI) असेल तर ती 1500 पीक्सेल X 2100 पिक्सेल होईल.
5.फाईल फॉरमॅट:- ईमेज ही जेपीईजी (JPEG) मध्येच असावी. ईमेज फाईलचे
नाव पुढील प्रमाणे असावे, विद्यार्थ्याचे नाव_ विभाग_ कलाकृतीचे शिर्षक_कलाकृतीचे माध्यम_कलाकृतीची किंमत
उदा: Kailas Raut_Painting_Landscape_Water Colour_20000.jpg
6. ऑनलाईन डिजीटल इमेजेस वरुन प्रदर्शनाकरिता कलाकृतींची निवड केली जाईल. प्रदर्शनाकरिता
निवडण्यात आलेल्या कलाकृतीची यादी उक्त संकेतस्थळावर प्रसिध्द करण्यात येईल.
7. प्रदर्शनाकरिता निवड झालेल्या कलाकृती स्वीकारण्याच्या तारखा व ठिकाण उक्त संकेतस्थळावर जाहीर करण्यात येईल.
प्रर्शनाकरीता निवड झालेल्या कलाकृती या संचालनालयास प्राप्त झाल्यानंतर त्यातून पारितोषिकाकरीता कलाकृतींची निवड करण्यात येईल.
पारितोषिक पात्र कलाकारांची यादी संकेतस्थळावर जाहीर करण्यात येईल.
8. सदर तारखात काही बदल झाल्यास तसे https://doa.maharashtra.gov.in
या संकेतस्थळावर प्रसिध्द करण्यात
येईल, याची संबंधितांनी नोंद घ्यावी.
वरील प्रक्रियेबाबत अद्ययावत सूचना वेळोवेळी उक्त संकेतस्थळावर उपलब्ध करण्यात येतील.
तरी संबंधितांनी वेळोवेळी सदर संकेतस्थळाला भेट देऊन अद्ययावत माहिती प्राप्त करुन
घ्यावी.
